ஈரானிய துறைமுகங்களை அமெரிக்கா தொடர்ந்து முற்றுகையிட்டுள்ளதால், ஹோர்முஸ் நீரிணையின் மீதான கட்டுப்பாடு தற்போது "அதன் முந்தைய நிலைக்குத் திரும்பியுள்ளது" என்று ஐ.ஆர்.ஜி.சி-யின் கூட்டு இராணுவக் கட்டளையகம் ஒரு அறிக்கையை வெளியிட்டுள்ளது.

ஈரானின் ஐ.ஆர்.ஐ.பி ஒளிபரப்பு நிறுவனத்தால் மேற்கோள் காட்டப்பட்ட ஓர் அறிக்கையில், "முற்றுகை என்ற போர்வையில் அமெரிக்கா கடற்கொள்ளை மற்றும் கடல்வழித் திருட்டுச் செயல்களைத் தொடர்ந்து செய்து வருகிறது" என்று ஐ.ஆர்.ஜி.சி கட்டளையகம் கூறியுள்ளது

இந்தக் காரணத்தால், ஹோர்முஸ் நீரிணையின் மீதான கட்டுப்பாடு அதன் முந்தைய நிலைக்குத் திரும்பியுள்ளது.

மேலும் இந்த மூலோபாய முக்கியத்துவம் வாய்ந்த நீர்வழி தற்போது ஆயுதப் படைகளின் கடுமையான மேலாண்மை மற்றும் கட்டுப்பாட்டின் கீழ் உள்ளது, என்று அது கூறியது.

ஈரானிலிருந்து அவற்றின் இலக்குகளுக்குச் சென்று திரும்பும் கப்பல்களுக்கு அமெரிக்கா முழுமையான கப்பல் போக்குவரத்து சுதந்திரத்தை மீட்டெடுக்கும் வரை, ஹோர்முஸ் நீரிணையின் நிலை கடுமையாகக் கட்டுப்படுத்தப்பட்டு அதன் முந்தைய நிலையிலேயே இருக்கும் என்று ஐ.ஆர்.ஜி.சி கட்டளையகம் கூறியது.

இதேவேளை,அமெரிக்கா-ஈரான் இடையே ஒரு முழுமையான ஒப்பந்தம் எட்டப்படும் வரை, ஈரானிய துறைமுகங்கள் மீதான அமெரிக்க கடற்படை முற்றுகை தொடரும் என்று டொனால்ட் ட்ரம்ப் குறிப்பிட்டுள்ளார்.