ஈரான் தனது வளைகுடா அண்டை நாடுகளுக்கு எதிராக வான்வழித் தாக்குதலைத் தீவிரப்படுத்தியுள்ள நிலையில், அபுதாபியில் போரூஜ் பெட்ரோ (Chemical) இரசாயன ஆலை தீப்பற்றி எரிந்துள்ளது.

வான் பாதுகாப்பு அமைப்புகளின் வெற்றிகரமான இடைமறிப்புகளுக்குப் பிறகு விழுந்த இடிபாடுகளால், ஆலையில் பல தீ விபத்து ஏற்பட்டுள்ளதாக அதிகாரிகள் பதிலளித்து வருகின்றனர், என்று வளைகுடா அமீரகத்தின் ஊடக அலுவலகம் தெரிவித்துள்ளது.

இந்தச் சம்பவத்தைத் தொடர்ந்து, ஆலையின் செயல்பாடுகளை உடனடியாக நிறுத்தி வைப்பதற்கான நடவடிக்கைகள் எடுக்கப்பட்டுள்ளன.

இந்நிலையில், ஆலையில் ஏற்பட்ட தீயை கட்டுப்படுத்த பாதுகாப்புப் படையினரும், நிவாரணக் குழுக்களும் ஞாயிற்றுக்கிழமை பணியாற்றி வருவதாக அபுதாபி அதிகாரிகள் தெரிவித்துள்ளனர்.

இருப்பினும், இந்தத் தீ விபத்துக்களால் இதுவரை எந்தக் காயமோ அல்லது உயிரிழப்போ ஏற்படவில்லை என்று அறிக்கை மேலும் குறிப்பிடுகிறது. 

தகவல்களின்படி, சமீப நாட்களாக ட்ரோன் தாக்குதல்கள் மற்றும் ஏவுகணை தாக்குதல்கள் அதிகரித்துள்ளன. குறிப்பாக எண்ணெய் உற்பத்தி நிலையங்கள், ராணுவ தளங்கள் மற்றும் முக்கிய கட்டமைப்புகள் குறிவைக்கப்பட்டதாக கூறப்படுகிறது. இதனால், உலகளாவிய எண்ணெய் சந்தையிலும் அதிர்வுகள் ஏற்பட்டுள்ளன.

இந்த சூழலில், ஈரான் மற்றும் அதன் அண்டை வளைகுடா நாடுகள் இடையிலான உறவு மேலும் மோசமடைந்துள்ளது. சவுதி அரேபியா, ஐக்கிய அரபு எமிரேட்ஸ் போன்ற நாடுகள் பாதுகாப்பு நிலையை உயர்த்தியுள்ளன.

மேலும், இந்த தாக்குதல்களுக்கு பதிலடி கொடுக்கப்படலாம் என்ற அச்சமும் நிலவுகிறது. அமெரிக்கா உள்ளிட்ட மேற்கு நாடுகள், நிலைமை மேலும் மோசமடையாமல் இருக்க தன்னடக்கம் கடைப்பிடிக்க வேண்டுமென இரு தரப்பையும் கேட்டுக்கொண்டுள்ளன.

இதேவேளை, ஹோர்முஸ் நீரிணை வழியாக செல்லும் கப்பல் போக்குவரத்துக்கும் அபாயம் ஏற்பட்டுள்ளதாக கூறப்படுகிறது. இது உலக வர்த்தகத்தையும் பாதிக்கக்கூடியதாக பார்க்கப்படுகிறது.