அமெரிக்காவில் White House Correspondents' Dinner நிகழ்ச்சியின் போது துப்பாக்கிச்சூடு சம்பவம் இடம்பெற்றதாக தகவல்கள் வெளியாகியுள்ளன. இந்த நிகழ்வில்  அதிபர் Donald Trump கலந்து கொண்டிருந்தார்.

துப்பாக்கி சத்தம் கேட்டவுடன், அங்கு இருந்த ரகசிய சேவை அதிகாரிகள் உடனடியாக டிரம்பை மேடையிலிருந்து பாதுகாப்பாக வெளியேற்றினர். அவருடன் Stephen Miller உள்ளிட்ட மூத்த அதிகாரிகளும் அங்கிருந்து அழைத்துச் செல்லப்பட்டனர்.

மேலும், டிரம்பின் மனைவி Melania Trump அவர்களும் பாதுகாப்பாக வெளியேற்றப்பட்டதாக தகவல்கள் தெரிவிக்கின்றன.

இந்நிலையில், துப்பாக்கிச்சூடு நடத்தியதாக சந்தேகிக்கப்படும் நபரின் புகைப்படத்தையும், சம்பவம் தொடங்கியதாகக் கூறப்படும் காட்சிகளையும் டிரம்ப் தனது சமூக ஊடகங்களில் பகிர்ந்துள்ளார்.

சம்பவம் தொடர்பாக விசாரணை தொடர்ந்து நடைபெற்று வருவதுடன், சந்தேக நபர் காவலில் எடுக்கப்பட்டுள்ளதாக அதிகாரப்பூர்வ தகவல்கள் தெரிவிக்கின்றன.

இந்த சம்பவம் தொடர்பான மேலதிக தகவல்கள் வெளியாகும் நிலையில், இது தாக்குதல் முயற்சியா அல்லது தனிப்பட்ட சம்பவமா என்பது குறித்து அதிகாரிகள் தீவிரமாக விசாரித்து வருகின்றனர்.