கடந்த ஆண்டில் மாத்திரம் சுமார் 142 மில்லியன் பணத் தாள்களை புழக்கத்தில் இருந்து மத்திய வங்கி நீக்கியுள்ளது.

இவ்வாறு நீக்கப்பட்ட 141.55 மில்லியன் பணத் தாள்களின் மொத்த மதிப்பு 91.23 பில்லியன் ரூபாவுக்கும் அதிகமாகும்.

பயன்பாட்டுக்கு பொருத்தமற்ற, சிதைந்த மற்றும்அழுக்கடைந்த   பணத்தாள்கள் மற்றும் நாணயக் குற்றிகளைத் தொடர்ந்து புழக்கத்திலிருந்து அகற்றப்பட்டுள்ளது.

அவற்றுக்கு பதிலாக புதிய பணத்தை விநியோகிக்கும் முறையான பணியை மத்திய வங்கி மேற்கொண்டு வருகிறது.

இதனிடையே, கள்ள பணத்தாள்களின் புழக்கத்தைத் தடுக்கும் நோக்கில் குற்றப் புலனாய்வுத் திணைக்களத்தின் போலி நோட்டுக்கள் பிரிவுடன் இணைந்து மத்திய வங்கி செயற்பட்டு வருகிறது.

கடந்தாண்டில் போலி நாணயத்தாள்களை நீதிமன்றத்தில் ஆதாரங்களாக சமர்ப்பிப்பதற்கான 83 சான்றிதழ்களை மத்திய வங்கி வழங்கியுள்ளது.