உலகளாவிய சந்தையில் எல்பிஜி கொள்முதல் செலவுகள் மற்றும் சந்தை அழுத்தங்கள் தொடர்ந்து அதிகரித்து வரும் நிலையில், உள்நாட்டு எல்பிஜி விலையில் திருத்தம் செய்யப்பட்டுள்ளதாக Laugfs Gas நிறுவனம் அறிவித்துள்ளது.

இது தொடர்பாக வெளியிடப்பட்டுள்ள அறிக்கையில், சர்வதேச சந்தை மாற்றங்கள் மற்றும் இறக்குமதி செலவுகள் அதிகரித்துள்ளமை காரணமாக இந்த விலை உயர்வு மேற்கொள்ளப்பட்டுள்ளதாக தெரிவிக்கப்பட்டுள்ளது.

அதன்படி, கொழும்பு மாவட்டத்தில் 12.5 கிலோ எல்பிஜி உருளையின் விலை ரூ. 545 அதிகரிக்கப்பட்டு, புதிய விலை ரூ. 6,245 ஆக நிர்ணயிக்கப்பட்டுள்ளது.

மேலும், 5 கிலோ எல்பிஜி உருளையின் விலை ரூ. 220 உயர்த்தப்பட்டு, புதிய விலை ரூ. 2,500 ஆக நிர்ணயிக்கப்பட்டுள்ளதாகவும் நிறுவனம் தெரிவித்துள்ளது.

புதிய விலைகள் உடனடியாக அமலுக்கு வரும் என அறிவிக்கப்பட்டுள்ளது.