இந்தியன் ப்ரீமியர் லீக் இருபதுக்கு 20 கிரிக்கெட் போட்டியின் 33ஆவது போட்டியில் சென்னை சூப்பர் கிங்ஸ் அணி 103 ஓட்டங்கள் வித்தியாசத்தில் வெற்றி பெற்றுள்ளது.

மும்பையில் இடம்பெற்ற குறித்த போட்டியில் சென்னை சூப்பர் கிங்ஸ் மற்றும் மும்பை இந்தியன் ஆகிய அணிகள் மோதின.

போட்டியின் நாணய சுழற்சியில் வெற்றி பெற்ற மும்பை இந்தியன்ஸ் முதலில் களத்தடுப்பில் ஈடுபட தீர்மானித்தது. இதன்படி முதலில் துடுப்பெடுத்தாடிய சென்னை சூப்பர் கிங்ஸ் நிர்ணயிக்கப்பட்ட 20 ஓவர்கள் நிறைவில் 6 விக்கெட்டுகளை இழந்து 207 ஓட்டங்களைப் பெற்றது.

துடுப்பாட்டத்தில் சென்னை சூப்பர் கிங்ஸ் சார்பில் சஞ்சு சம்சன் 101 ஓட்டங்களை அதிகபட்சமாகப் பெற்றுக்கொடுத்தார்.

இந்தநிலையில் 208 ஓட்டங்கள் எனும் வெற்றி இலக்கை நோக்கி துடுப்பெடுத்தாடிய மும்பை இந்தியன் அணி 19 ஓவர்கள் நிறைவில் சகல விக்கெட்டுகளையும் இழந்து 104 ஓட்டங்களை மாத்திரமே பெற்று தோல்வியைத் தழுவியது.

பந்துவீச்சில் சென்னை சூப்பர் கிங்ஸ் அணியின் சார்பில் அகீல் ஹொசைன் 4 விக்கெட்டுகளையும், நூர் அஹமட் 2 விக்கெட்டுகளையும் கைப்பற்றினர்.

குறித்த வெற்றியின் மூலம் சென்னை சூப்பர் கிங்ஸ் அணி புள்ளிப்பிட்டியலில் 5ஆவது இடத்திற்கு முன்னேறியுள்ளமை குறிப்பிடத்தக்கது.