துப்பாக்கி முனையில் பேச்சுவார்த்தை! - மத்திய கிழக்கின் விதியைத் தீர்மானிக்கப் போகும் 24 மணி நேரம்!
உலகமே இன்று மூச்சையடக்கி கவனித்துக் கொண்டிருக்கும் ஒரே இடம் பாகிஸ்தானின் இஸ்லாமாபாத் நகரம் தான் பல தசாப்தங்களாக எதிரும் புதிருமாக நின்ற அமெரிக்காவும் ஈரானும் இன்று ஒரே மேசையில் அமர்ந்திருப்பது உலக அரசியலில் ஒரு மிகப்பெரிய திருப்புமுனையாகப் பார்க்கப்படுகிறது. ஆனால், இந்தச் சந்திப்பு அமைதிக்கானதா அல்லது அடுத்தகட்ட மோதலுக்கான எச்சரிக்கையா என்ற கேள்விதான் இப்போது எல்லோர் மனதிலும் இருக்கிறது.
ஈரானின் செக்மேட் கோரிக்கைகள்
இந்த விவாத மேசையில் ஈரான் முன்வைக்கும் நிபந்தனைகள் மிகவும் தெளிவானவை. அமெரிக்காவின் தடைகளால் முடக்கப்பட்டிருக்கும் தங்களின் பல பில்லியன் டாலர் நிதி வளங்களை உடனடியாக விடுவிக்க வேண்டும் என்பது அவர்களின் முதல் கோரிக்கை. அதோடு, லெபனான் போன்ற பகுதிகளில் நடைபெறும் குண்டுவீச்சுகளை நிறுத்த வேண்டும் மற்றும் மத்திய கிழக்கு பிராந்தியத்தில் அமெரிக்காவின் ராணுவத் தலையீடுகளைக் குறைக்க வேண்டும் என்பதில் ஈரான் மிக உறுதியாக இருக்கிறது. இது வெறும் பொருளாதார கோரிக்கை மட்டுமல்ல, பிராந்தியத்தில் தனது அதிகாரத்தை நிலைநாட்டும் ஈரானின் ராஜதந்திர நகர்வு
அமெரிக்காவின் அழுத்த அரசியல் பலிக்குமா?
வழக்கமான பாணியில் பொருளாதாரத் தடைகள் மற்றும் ராணுவ மிரட்டல் மூலம் எதிரியை அடிபணிய வைக்கும் உத்தியைத் தான் அமெரிக்கா இப்போதும் கையிலெடுத்துள்ளது.  அடுத்த 24 மணி நேரத்திற்குள் ஈரான் அடிபணியாவிட்டால் கடும் விளைவுகளைச் சந்திக்க நேரிடும் என அதிபர் டிரம்ப் விடுத்த எச்சரிக்கை அதையே உறுதிப்படுத்துகிறது. ஆனால், இம்முறை சீனா மற்றும் ரஷ்யாவின் ஆதரவு ஈரானுக்குப் பின்னால் இருப்பதால், அமெரிக்காவின் பழைய அழுத்தம் எந்தளவுக்குப் பலிக்கும் என்பது சந்தேகமே
மூன்று சாத்தியக்கூறுகள்  உலகிற்கு என்ன காத்திருக்கிறது
இந்த இஸ்லாமாபாத் பேச்சுவார்த்தை மூன்று வழிகளில் முடிய வாய்ப்புள்ளது

சமரச ஒப்பந்தம்

இரு தரப்பும் கொஞ்சம் இறங்கி வந்து ஒரு தற்காலிக அமைதிக்குச் சம்மதிக்கலாம். இது உலகச் சந்தையில் கச்சா எண்ணெய் விலையைக் குறைக்க உதவும் கோரிக்கைகளில் ஒருமித்த கருத்து எட்டப்படாவிட்டால், பேச்சுவார்த்தை பாதியிலேயே முறிந்து போர் மேகங்கள் மேலும் சூழலாம். பேச்சுவார்த்தை தோல்வியடைந்தால், ஈரானின் அணுசக்தி மையங்களைக் குறிவைத்து அமெரிக்கா தனது ஏவுகணைத் தாக்குதலைத் தொடங்கலாம். எதிர்காலத்தை தீர்மானிக்கும் திருப்புமுனை இந்தச் சந்திப்பு வெறும் இரு நாடுகளுக்கு இடையிலானது மட்டுமல்ல இது உலக எரிசக்தி சந்தை மற்றும் சர்வதேச அரசியல் சமநிலையைத் தீர்மானிக்கப் போகும் ஒரு மகா யுத்தம். அமெரிக்கா தனது பலத்தை அமைதிக்காகப் பயன்படுத்துமா அல்லது மீண்டும் ஒரு போரை நோக்கி உலகைத் தள்ளுமா என்பதை இன்னும் சில மணி நேரங்களில் நாம் அறியலாம்.