நடந்துவரும் 2026 ஐபிஎல் சீசனில், கொல்கத்தா நைட் ரைடர்ஸ் அணி தங்களின் முதல் வெற்றியைப் பதிவு செய்தது. ராஜஸ்தான் ரோயல்ஸ் அணிக்கெதிரான போட்டியில் கொல்கத்தா நைட் ரைடர்ஸ் அணி வெற்றிப்பெற்றுள்ளது.

கொல்கத்தா ஈடன் கார்டன் மைதானத்தில் (19.04.2026) கொல்கத்தா நைட் ரைடர்ஸ்-ராஜஸ்தான் ரோயல்ஸ் அணிகள் மோதின.

நாணயசுழற்சியில் வென்ற ராஜஸ்தான் அணித்தலைவர் ரியான் பராக் துடுப்பாட்டத்தை தேர்வு செய்தார்.

அதன்படி ராஜஸ்தான் அணி முதலில் துடுப்பெடுத்தாட களமிறங்கியது. தொடக்கத்தில் ராஜஸ்தான் அணி அதிரடியாக விளையாடியது.

வைபவ் சூர்யவன்ஷி 46 ஓட்டங்களும் , ஜெய்ஸ்வால் 39ஓட்டங்களும் எடுத்து ஆட்டமிழந்தனர்.

இருப்பினும் பின்னர் ராஜஸ்தான் அணி சீரான இடைவெளியில் விக்கெட்டுகளை இழந்தது.

இதனால் 20 ஓவர்கள் முடிவில் 9 விக்கெட் இழப்பிற்கு 155 ஓட்டங்கள் எடுத்தது. கொல்கத்தா அணியில் வருண் சக்கரவர்த்தி , கார்த்திக் தியாகி தலா 3 விக்கெட்டுகள் வீழ்த்தினர்.

அதனை தொடர்ந்து 156 ஓட்டங்கள் எடுத்தால் வெற்றி என்ற இலக்குடன் களத்தில் இறங்கிய கொல்கத்தா அணி ஆரம்பம் முதலே நிதானமாக விளையாடி இறுதியில் 4 விக்கெட்டுகள் வித்தியாசத்தில் வெற்றி பெற்றது.