சைப்ரஸ் நாட்டின் நிகோசியா நகரில் நடைபெற்ற 2026-ம் ஆண்டுக்கான சர்வதேச செஸ் கூட்டமைப்பின் மகளிர் கேண்டிடேட்ஸ் செஸ் தொடரில், இந்திய கிராண்ட்மாஸ்டர் ஆர். வைஷாலி சாம்பியன் பட்டம் வென்று புதிய வரலாறு படைத்துள்ளார். இதன் மூலம் மகளிர் கேண்டிடேட்ஸ் தொடரில் முதலிடம் பிடித்த முதல் இந்திய வீராங்கனை என்ற பெருமையை அவர் பெற்றுள்ளார்.

இவர் புதன்கிழமை நடைபெற்ற இறுதி சுற்று ஆட்டத்தில் ரஷ்யாவின் அனுபவ வீராங்கனியான கேடரினா லக்னோவை எதிர்கொண்டு அபார வெற்றி பெற்றிருந்தார்.

இந்த வெற்றியின் மூலம் இந்த ஆண்டின் இறுதியில் நடைபெறவுள்ள உலக சாம்பியன்ஷிப் போட்டியில் விளையாடும் தகுதியை வைஷாலி பெற்றுள்ளார். அங்கு அவர் நடப்பு உலக சாம்பியனான சீனாவின் ஜு வென்ஜுனை எதிர்கொள்ள உள்ளார். உலக சாம்பியன் பட்டத்திற்கான இந்த சவால் இந்திய செஸ் வரலாற்றில் மிக முக்கியமான ஒன்றாகக் கருதப்படுகிறது.